hægri vindátt

Í veðurfréttum í gærkveldi var spáð hægri vestanátt um allt land. Af hverju er alltaf spáð hægri átt en aldrei vinstri átt? “Búist er við vinstri austanátt um sunnanvert landið” er setning sem við fáum veðufræðingana okkar seint til að láta uppúr sér.

Getur verið að bláa höndin sé með fingur sína í þessu máli?

Einum hægrimanni veitir nú ekki af dágóðu roki og rigningu í höfuðstykki sínu – Björn okkar Bjarnason. Er maðurinn alveg búinn að missa sig núna, af því áhugamál hans um að stofna íslenskan her gengur svo hægt ætlar hann bara að vera með ofur-víkingasveit. Það hljóta allir að sjá það að hann er að koma á fót íslenskri leyniþjónustu, vopnaðir óeinkennisklæddir menn sem sýna okkur hvar Davíð keypti ölið ef við dirfumst til að sýna einkennilega hegðan.

One thought on “hægri vindátt

Leave a Reply

Your email address will not be published. Required fields are marked *