Viskubrekka

Á tólf tíma vöktum fer heldur að halla í heimskari hluta viskubrekkunnar þegar komið er á síðasta klukkutímann. Nýbúin að telja bilin, ekki skilin, í loftræstiristinni hér ská að ofan við mig.

Rúmur hálftími eftir af vakt en þá tekur við stutt hármódeling og umskipti klæða, síðan bjór og grill hjá Jóa dentist. Stefnir allt í hörkugeim á fögru, ekki mögru, fimmtudagskvöldi.

Jón Fannar væntanlega rétt ókominn í borgina, sennilega að bruna i Borgarfirði akkúrat núna. Drengurinn búinn að heimta gistipláss hjá mér, sem er sosum sjálfsagt. Í staðinn ætla ég að draga hann með mér að skoða bíla um helgina – enda alræmdur bílasali í fjölmennari sýslum landsins. Ætla til dæmis að fara til Maíu á morgun á Toyota og láta hana sitja fyrir, ekki verða fyrir, smekklegu eintaki af rennireið handa mér.

Enn tími til stefnu, uh, kannski komin tími til að ég ljóstri upp smá leyndarmáli sem ég hef gengið með í maganum leng….neisko, geimdvergur

Leave a Reply

Your email address will not be published. Required fields are marked *