Töff að finna sig í teinóttu

Wo sind die Umkleidekabinen? Mér leiðist að versla mér föt. Sem kemur sjálfsagt mörgum ykkar á óvart þar sem ég er svo fjári smekklegur alltaf hreint. Takk.

Einnig þykir mér leiðinlegt að vera í svokölluðum sparifötum. Jakkafötum. Ég á tvenn ljót jakkaföt. Það koma kannski eitt til tvö tilfelli á ári þar sem ég er tilneyddur til að klæðast jakkafötum. Því ætla ég ekki að kaupa mér jakkaföt næst fyrr en ég gifti mig.

Í kvöld er ég að fara á árshátíð á Hótel Borg.

Þannig að ef ég gifti mig ekki seinnipartinn í dag, sem ég hallast meira og meira að eftir því sem líður á daginn, þá kemur aðeins til greina að fá lánuð jakkaföt.

Þar kemur Binni bróðir til hjálpar.

Hann er reyndar aðeins stærri en ég, sem ég bæti upp með að vera þrefalt sterkari! Mátaði teinóttu græjurnar í gær. Lít svolítið út eins og 50 Cent í þeim – svona aðeins of víð en glimrandi kúl.

Þá er það bara skyrtan og bindið. Óh, djís. Hugsaði með mér að ég gæti notast við skyrtu sem ég á en keypt mér nýtt bindi.

Fór í sérvalda tískuvöruverslun í gær og sagðist vanta bindi.

“Já, og við hvað. Í hverju ætlaru að vera!”

“Ha, humm. Ég. Þú veist. Jakkafötum. Eitthvað.”

“Já hvernig?”

Hvaða fjandans yfirheyrsla er þetta. Eitt bindi takk.

“Teinóttum jakkafötum. Á bláa skyrtu, með brúnkoflóttu mynstri sem mér datt í hug að nota.”

Nú starir starfsmaðurinn á mig líkt og ég sé tískufáviti með sykursýki. Ég átta mig á því að þetta er náttúrulega fáránlega bjánaleg samsetninga klæða hjá mér. Hann reynir samt að sýna mér bindi sem gætu mögulega passað við þetta…en á það ekki til því það þyrftu að vera…þú veist…blátt með brúnum hakakross eða eitthvað til að samræmast symmetríu valinna fata.

“Ok, gleymum þessi” segi ég. “Hvað með bara plain hvíta skyrtu og plain bindi?”. Ég byrja að ofnota orðið plain til að reyna hækka mig í tískufábjánastaðlinum.

“Fínt. Það passar við allt.”

Ég finn mér flotta hvíta skyrtu og fer svo að skoða bindi. Við skulum bara fá eitt á hreint, bindi eru asnalega. Ég er asnalegur með bindi.

Það er, “venjuleg” bindi.

Að lokum fundum við bindi sem mér leist mjög vel á. Það er svart, helmingi mjórra en önnur bindi og kostar helmingi meira.

Vá, ég hlýt að geta borgað á barnum með þessu bindi það er svo fjarstæðukennt að bindi sé hlutfallslega dýrara miðað við stærð.

Að sjálfsögðu keypti ég mér þetta bindi.

Ég gæti mætt í kvöld umvafinn svörtum ruslapoka um mittið. Nýja hvíta skyrtan mín og últra-flotta bindið mitt myndu bæta það margfalt upp.

Kannski finnst mér gaman að versla föt.

NEI.

2 thoughts on “Töff að finna sig í teinóttu

  1. Anonymous

    Ég finn mig svo mikið í þessum skrifum að ég hreinlega tárast.

    Hvar fannstu þessa þýsku frasabók?

    f.willy.

    Reply
  2. Anonymous

    Bist du ein Berliner oder was…sehr schnell. Ich hoffe nur dass wir konnen am Akureyri zusammen trinken mein knöpfelchen.

    Dein freund
    Tryggvi

    Reply

Leave a Reply

Your email address will not be published. Required fields are marked *