Brjálæðisleg tímasóun

Er að bíða eftir að vera búinn á vakt. Rakst á þetta.


Skáldajötunn

Þú ert nýjungagjarn, tilfinningaríkur innipúki.
Skáldajötunninn er svo opinn fyrir nýjungum á sviði lista og menningar að honum tekst að sjá list út úr óbreyttri skranhrúgu eða einmana slettu á striga. Skáldajötunninn tekur til í herberginu sínu og kallar það listrænan gjörning. Hann er mjög líklega með óskrifaða skáldsögu í hausnum eða óútgefna bók í skrifborðsskúffunni, þ.e. ef hann hefur ekki þegar fengið bók sína útgefna.

Skáldajötunninn lifir fyrir listina og myndi frekar kaupa blek fyrir fjaðurstafinn sinn heldur en brauðhleif þótt hann hefði farið án matar svo dögum skipti. Hann unir sér vel einn með eigin hyldjúpu hugsunum.

Hvaða tröll ert þú?


Það er aldeilis. Getur það verið einskær tilviljun að orðin “tilfinningar” og “nýjungagjarn” lýsa mér hvað best þessa dagana. Ástæðan kemur kannski smám saman í ljós hérna á síðunni. En vænta má breytinga (og þá meina ég ekki á robbik.net!)

Og ég er að fara á klassíska tónleika í kvöld. Tilviljun líka eða?

Leave a Reply

Your email address will not be published. Required fields are marked *