Ég heiti RC_13X] og syng í stúlknakór Xavior

Í gærkveldi ákvað ég að standa upp frá nýja 40″ Sony LCD sjónvarpinu mínu því mér var boðið á tónleika.

Var þetta ekki slungin leið til að nefna nýja 40″ Sony LCD sjónvarpið mitt. Það nýjasta og bestasta á markaðnum í dag.

En nóg tal um nýja 40″ Sony LCD Pro sjónvarpið mitt með 1366×768 upplausn og 16.77 milljón lita. Það nennir enginn að lesa um það. Í raun er þetta ekki einu sinni sjónvarp heldur ofvaxinn skjár, því það er engin “tuner” í því og ekki hægt að tengja venjulega loftnetssnúru við það. Enda er það svo 2006.

Tónleikarnir sem ég fór á í gær voru aðventutónleikar Gospelsystra Reykjavíkur, Vox feminae og Stúlknakórs Reykjavíkur og voru haldnir að öllu leyti í Hallgrímskirkju. Mjög góðir tónleikar, held ég hafi sofnað smá stund yfir Gloriu í D-dúr en það tók sjálfsagt engin eftir því þar sem ég sat beint fyrir aftan risa steypusúlu.
Öflugir og öðruvísi útfærðir kórtónleikar, stelpurnar í stúlkanórnum gáfu sterkt innlegg í annars þétta kórröddina.

Það sem vakti athygli mína var auglýsing frá fyrirtækinu CCP í efnisskránni. En eins og alþjóð veit gefur fyrirtækið út tölvuleikinni Eve Online.
Meðalaldur kirkjugesta hefur sjálfsagt verið eitthvað yfir 40 ár – sem er einmitt sama tala og tommurnar í nýja Sony LCD sjónvarpinu mínu – og ég undrast hvort þetta sé rétti markhópurinn.

En hvað veit ég.

Kannski hafa einhverjir vel gráhærðir 69 ára gamlir karlmenn farið beinustu leið heim af tónleikunum og loggað sig inn á Eve Online, tekið gljáfægða geimskipið sitt og flogið til plánetunnar Xavior til að syngja í stúlknakór þríkynja bastarða.

Eða þeir brunuðu beinustu leið heim til að ná tíufréttum á RÚV.

2 thoughts on “Ég heiti RC_13X] og syng í stúlknakór Xavior

  1. Drengur

    Ég hata að fara í kirkju og vera fyrir aftan steypusúlu… eða ég hata að fara í kirkju bara…

    Reply
  2. Gunnar

    á ekkert að fara að blogga hérna?!?!? 2 vikur liðnar!

    fór í messu og hef aldrei heyrt annað eins samhengislaust bull á ævi minni …eða samhengislaus var ræðan allavega….sofnaði.

    Reply

Leave a Reply

Your email address will not be published. Required fields are marked *