Hey, byggjum í mýri

Ég er orðinn svo þreyttur á þessari borgarstjórn að þó bananatré byrjaði að vaxa lárétt út úr mænunni á mér gæti ég lifað lengur með því en núverandi borgarstjórn. Hversu lengi geta þessir borgarfulltrúar haldið andliti í bullandi ólgusjó ósammælsku. Hvenær ætlar einhver að rísa upp gegn þessu langþreytta ástandi og tjá hug sinn af einlægni og trúr sjálfum sér. Þetta fólk er orðið svo gott í að blöffa að það gæti unnið pókermót með tannstöngla í augunum.

Það kemur kannski ekki á óvart að ég hef ákveðið að flytjast búferlum norður á land. Ég er þess fullviss að þegar ég verð eldri og menn byrja að skrifa greinar og bækur um mig þá verði vitnað til mín sem fyrsta reykvíska flóttamannsins (ég er reyndar ekki reykvískur og minni mig á það á hverjum degi). Fleiri munu fylgja í kjölfarið þegar fólk áttar sig á því að það vill frekar eyða tíma úti á sólpalli heldur en á Kringlumýrabraut.

Reykjavík er ljót og leiðinlegt borg. Þetta er það sem allir hugsa en engin segir. Hafið þið keyrt niður Hverfisgötuna nýlega? Viljið þið fara á góða tónleika, drífið ykkur þá núna því um leið og húsnæðið verður vinsælt til tónleikahalds verður því annaðhvort jafnað við jörðu eða einfaldlega grafið niður líkt og myrkurt leyndarmál. Ég ætla ekki eini sinni að nefna Laugarveg eða Kringluna.

Nú þegar sögusagnir af því að ég sé að flýja Reykjavík ásamt fögru föruneyti hafa komið upp á yfirborðið hefur forsætisráðherra gefið þá yfirlýsingu að fólk ætti að halda að sér höndum í fjárfestingum. Ég skil vel að hann vilji ekki missa okkur úr höfuðborginni en finnst hann nýta sambönd sín fullvel í þessu tilfelli og gersamlega drepa fasteignamarkaðinn. Borgarstjóri bregst hinsvegar betur við og skerpir á því að flugvöllurinn sé ekkert á leiðinni í burtu og hann ráði, sama hvað eitthvað lið í nefndum er að bardúsa. En þó Reykjavík sé ekki í uppáhaldi þessa dagana er hún höfuðborgin og við landsbyggðarpakk verðum að hafa góðar samgöngur. Ég gæti t.d. þurft að mæta á fund eða brunaútsölu, en ekki síður til að vera snöggur í burtu.

Að búa undir stjórn íslensku ríkisstjórnarinnar er svipað og að eiga Michael Jackson fyrir móður.

Eina stundina réttir hún ljósrauðan sleikibrjóstsykur í áttina til þín meðan hún stingur hinni hendinni lengst upp í . . . . nei, andskotinn.

Viðbætt. Það er ekki að ástæðulausu sem við erum netvæddasta þjóð í heimi. Eftir að ég hafði skrifað þennan reiðilega en jafnframt útpælda pistil fór ég á youtube þar sem ég rakst á þetta tónlistarmyndband.

[youtube:http://www.youtube.com/watch?v=4_o47Gs6DQ0]

Eftir að hafa horft á 2:30 mínútur var ég búin að gleyma öllu um borgarstjórn reykjavíkur en pældi mun meir í hvers kyns söngvararnir eru (allir). Eftir 3:45 var ég farinn að hlæja eins og full fermingarstelpa og eftir 5:02 vissi ég minni um alheiminn en áður en ég byrjaði að horfa.

6 thoughts on “Hey, byggjum í mýri

  1. Sigurður Reynir

    Verð að játa að eftir tæpa mínútu af áhorfi hætti ég skyndilega að hlæja og byrjaði í staðinn að pæla hvort þessi lengst til hægri væri með fastar fléttur í handakrikunum… en var allt of einfaldur til að gruna að réttilega gæti vel huxast að það leyndist ‘outie’ undir kjólnum líka og þá er ég ekki að tala um naflann.

    Annars er nákvæmlega ekkert nema gott að segja um flóttann frá höfuðborginni… meira svona og sem fyrst! 😀

    Reply
  2. f.willy

    Hef aldrei lesið jafn kjarnyrtan pistil. Hvenær komiði norður að skoða íbúðir? núna um helgina? Skal halda opið hús hjá mér.

    Reply
  3. Hadda

    Sko ég verð bara að segja að ég er þér svo HJARTANLEGA sammála. Reykjavík er með ömurlegri borgum sem ég hef komið til, grátt, hrátt , dýrt og skítugt. Ég er viss um að ef atvinnuástand væri betra á norðurlandi myndu fleiri kjósa að búa þar. Lífsgæðin svo margfölduð á ársgrundvelli. Tekur 10 mín að ákveða að fara í sund og fara svo. Ekki viku í að spá og herða sig svo upp……

    Usss það veit gvuð að mig langar ekki að fara til Reykjavíkur í bráð… nema þá kannski bara ef maður tekur við á Bessastöðum;) þá held ég að maður færi sig frekar suðuráboginn til hlýrri borga:)
    Vona að það seljist. Hljóta að vera einhverjir ofurhugar sem þora að kaupa!

    Reply
  4. robbik

    Sko, málið er að ef allir myndu bara taka sig á og fara kaupa íbúðir þá væri engin kreppa á fasteignamarkaðnum. Íbúðalánasjóður býður hagstæð lán, ef þú getur ekki fengið lán á ILS þá ertu að skoða of dýra eign.

    Já við ætlum að skoða eignir fyrir norðan um helgina (finnst alltaf flottara að tala um eignir en íbúðir). Opið hús væri kærkomið, sérstaklega ef þú myndir bjóða upp á norðlenskar pönnukökur með rjóma og Braga kaffi.

    Reply
  5. f.willy

    Gulan eða grænan Braga? Skal meiraðsegja moppa gólfið til hátíðarbrigða. Líst vel á að fá ykkur í heimsókn.

    Reply
  6. Tryggvi Már

    Sammála þér með borgina og stjórnmálin. Eins og venjulega. En á þessu vídjói sést hvað borgarfulltrúarinr í Reykjavík gera í utanlandsferðunum sínum. Þetta er allavegana svona álíka skiljanlegt og það sem þeir láta út úr sér þessa dagana.

    Reply

Leave a Reply

Your email address will not be published. Required fields are marked *